UMATI PAMOJA NA AMREFU WAENDELEA KUTOA SEMINA KWA VIJANA KUHUSU MAMBO YA UJASILIAMALI KATIKA KITUO CHA UMATI MTWIVILA IRINGA.

Mwezeshaji Bi. Dora  akiendelea na darasa katika ukumbi wa kituo cha vijana UMATI.

           IRINGA

              Na denis nyali

Katika kutatua tatizo la ajira linaloendelea hapa nchini kituo cha vijana UMATI wakishirikiana na AMREFU hii leo wameendesha semina ya ujasiliamali kwa vijana ili kuweza kufahamu fulsa zilizopo kwa kuzitumia na kujikwamua kiuchumi.

Akizungumza na overcomers fm radio mratibu wa mradi wa afya ya kijana ni haki tuitete bi. Matha kisweka amesema kuwa lengo la mafunzo hayo ni kuwajengea uwezo vijana kutambua fulsa zinazo wazunguka na kuzitendea kazi.

Aidha  amesema kuwa vijana hapa nchini wanakabiliwa na chanagamoto kubwa ya ukosefu wa ajira hivyo kupitia mafunzo hayo vijana wataweza kujipatia fulsa za kujikwamua kwa kupitia mikopo inayo tolewa na taasisi mbalimbali hapa nchini

Mafunzo hayo ya ujasiliamali yanatolewa kwa siku mbili katika kituo cha vijana umati huku vijana zaidi ya 50 kutoka katika kata sita manispaa ya iringa na wale wa nje ya  manispaa wakishiriki.

Kwa upande wao vijana walioshiriki mafunzo hayo wamekipongeza kituo cha vijana UMATI pamoja na Amrefu kwa kutambua umhimu wa elimu ya ujasiliamali kwa vijana na kuahidi kuitumia elimu hiyo ipasavyo.